Pinaglibakan ni Secretary Jesus Crispin Remulla, agdama a sekretaryo ti Department of Justice nga adda iti opisyal a papel wenno katulagan iti nagbaetan da ti International Criminal Court.
Kinunana nga awan impatulod na nga aniaman a ‘written paper’ wenno pormal a dokumento nga addaan da iti koordinasyon ti nasao nga International Tribunal.
Innayon na a nakipatang laeng ti korte iti ahensya tapno ipasguro a natalged dagiti agtestigo kontra kenni sigud a Presidente Rodrigo Roa Duterte.
Gapo iti daitoy ket napagdesisyonan ti Department of Justice a sungbatan daitoy ken saan a lapdan a makaipatulod kadagiti indibidwal a kayat lang a mangisubmitir kadagiti testimonya da.
Imbatad ni Justice Secretary Remulla a ti napateg ita ket maisubmitir dagiti testigo iti biang wenno testimonya da idiay The Hague, Netherlands nu kasta ket malawlawagan iti International Criminal Court nu anya iti pudno a napasamak idi administrasyon ni sigud a presidente Rodrigo Roa Duterte.
