Kinumpirma ni Department of Justice Secretary Jesus Crispin Remulla ti interes na para ti Ombudsman post ken kinuna a mangisubmitir paylaeng isuna ti aplikasyon inton wenno sakbay ti aldaw ti Biernes sadiay Judicial and Bar Council (JBC).
Segun kenni Remulla, adu iti maiambag ken maitulong na iti Ombudsman apaman isuna iti mapatugaw iti puesto laksid ti reklamo a sangsangwen na kakadwa dagiti nangangato pay nga opisyales nga impila ni Senator Imee Marcos idi laeng kallabes.
Idi nadamag nu adda iti problema ket impaganetget ti Judicial and Bar Council nga adda met kabaelan da nga i-evaluate daitoy.
“Okay lang iyon, the JBC can always evaluate on it properly,” kinuna ni SOJ Remulla.
