Nirugianen ti South Korea ti mangikabil kadagiti drone-melting laser weapons tapno dadaelen dagiti unmanned aerial vehicles wenno remote-controlled drones ti North Korea.
Ti baro nga laser weapon ket maawagan iti ‘Star Wars Project’ isu ket ‘invisible’ ken ‘noise-free’.
Saan met a kasapulan ti ekstra a bala agsipud ta koriente laeng ti usarenna ken 2,000 won (US$1.45) laeng ti magastos iti kada paltog.
Daytoy nga armas ti militar ket binukel ti Hanwha Aerospace.
Nabalinannan a nagun-od ti 100% a shoot-down rate kadagiti napalabas a tests.
Segun ken ni Lee Sang-yoon ti South Korean Defense Acquisition Program Administration (DAPA), ad-adda pay a mapasayaat daytoy kadagiti sumaganad nga aldaw ken sigurado a ‘game-changer’ no maipapan iti sistema ti armas.
Kabaelan ti Star Wars System nga i-neutralize ti puntiria babaen ti laserlight a napataud manipud iti optical fiber.
No madungpar ti laser ti drone, marunaw daitoy, mapuoran dagiti makin-uneg a paset na agingga a matnag kamaudiananna.
Ipagpannakkel pay ti South Korea a mabalin a rummuar ken mausar iti tangatang gapu ta agus-usar daytoy iti koriente, makuna mabalin a pangatuen laeng iti output tapno naparpartak ti sungbat-na ken madanon pay ketdi ti speed of light.
