Nag-apela ni House Speaker Ferdinand Martin Romualdez kadagiti kakadwa na sadiay Kamara nga ipasa ti “landmark digital and technological legislation.”
Kabayatan ti panagbetla na ti panagsubsubli ti sesyon ti Kamara ket imbida ni Romualdez dagiti naaramid ti 19th Congress.
Kagiddan iti dayta ket nagpanawagan isuna para ti pannakapatibker dagiti sumagmamano a singasing a kasapulan para iti moderno a panawen.
Karaman ditoy ti Open Access in Data Transmission Act para ti naparpartak ken mapagtalkan nga internet iti tunggal barangay; kasta met iti E-Governance Act para ti napagmaymaysa ken digitized a serbisyo ti gobyerno nu kasta ket mapukawen iti red tape ken fixers.
Imbida na pay ti kaunaan a komprehensibo a linteg mainaig iti Artificial Intelligence wenno AI tapno makasabay ti Pilipinas iti inobasyon kabayatan a maproprotektaran ti “ethics, privacy and human dignity.”
