Nangipaay ti pammadayaw ni Speaker Ferdinand Martin G. Romualdez kadagiti ama ti intero a Pilipinas ken binigbig na ti napateg nga akem da kas pundasyon ti pamilya ken komunidad.
Babaen ti mensahe na ita a Father’s Day, aldaw ti Dominggo, kinuna ni Speaker Romualdez a dagiti ama nga Pilipino ket natalna a bannuar nga inaldaw a bumangbangon tapno maipaayan ti nasayaat a biag dagiti annak da.
“As a father, I know the deep responsibility that comes with that role. I understand the long days, the sleepless nights, and the unwavering hope we carry for our families. I have felt the joy of small moments with my children and the worry that comes with every challenge they face,” waragawag ni Speaker Romualdez.
Kabayatanna, nilaglagip met ti Speaker ti nagbalin nga impluwensya ti ama na a kinunana ket agtultuloy a mangas-asistar kenkuana para iti pagilian a Pilipinas.
Nangipadanon pay isuna ti naimpusuan a panagyaman kadagiti ama ditoy uneg ti pagilian kasta met kadagiti adda saiay ballasiw-taaw para kadagiti awan katupag nga sakripisyo da ken panagayat.
