Nangisayangkat ti special price monitoring ken profiling ti Department of Trade and Industry agraman dagiti partner a Local Price Coordinating Council iti DA, NFA,PNP ken Provincial Goverment of La Union kadagiti nabatbati a 14 nga ili ditoy probinsya a saan pay a nadanun ti nadakamat a monitoring team.
Sungbat daytoy ti direktiba ni President Ferdinand R. Marcos Jr. a nangikedding ti price ceiling ken ti dumadakkel a pannakaseknan iti kellaat a panagngato ti presyo ti bagas ti intero a pagilian.
Partikular a rinikos ti DTI idiay ili nga Agoo, San Juan, Sudipen, Luna, Balaoan, Burgos, Pugo, Tubao, Aringay, Bagulin, Caba, Naguilian, Bangar ken Sto Thomas.
Maibasar ti kaudian a datos ti ahensya dagitoy ti bilang iti nakaawat ti cash assitance nga aggatad ti 15,000 pesos…walo a rice retailers idiay Agoo; 20 idiay Nagulian; 47 ti City of San Fernando bayat a dagiti daduma nga ili ket manarimaan pay laeng ti validation iti tulong ti DTI kadagiti naud-udi a nagpalista wenno nagsubmitir iti requirements a dawdawaten ti ahensya.
