BR LA UNION – Pormal a nagpaayab ni Presidente Ferdinand R. Marcos Jr. iti maysa nga special session inton Hunyo 17, 2026 idiay Kongreso, maiyannurot iti Proclamation No. 1318
Daytoy ket tapno talantanen ken dagus nga ipasa ti sumagmamano a prayoridad a gakat nga addaan tarigagay a papigsaen iti social protection ken mangingato ti kalidad ti biag dagiti Pilipino.
Kabilang dagiti nakatuding a matalantan iti sesyon ket iti:
Panangbuangay ti National Center for Geriatric Health,
Amendment iti Government Assistance to Students and Teachers in Private Education (GASTPE) Act, Assistance to Individuals in Crisis Situations (AICS) Act, ken Universal Access to Quality Tertiary Education Act (UAQTEA).
Karaman pay iti agenda ti: Last Mile and Geographically Isolated and Disadvantaged and Conflict‑Affected Areas (GIDA) Schools Act, dagiti amendment iti Masustansyang Pagkain Para sa Batang Pilipino Act, Anti‑Political Dynasty Law, ken iti Presidential Merit Scholarship Program.
Maibasar iti proklamasyon, ranta ti sesyon a mapapartak iti panangipasa dagiti linteg a mangipaay ti tulong iti sektor ti edukasyon, salun-at, ken pagbiagan.
Malaksid dayta, napaayaban pay iti Commission on Appointments tapno talantanen dagiti baro nga appointment iti gabinete, militar, ken foreign service, maiyannurot iti Konstitusyon ken agraraira a linteg.
Iti Proclamation No. 1318 ket pinirmaan ni President Marcos Jr. idi Hunyo 15, 2026 idiay siyudad ti Manila, kas sungbat iti kasapolan a pannakapaprtak dagiti reporma sakbay iti panagleppas ti umuna a kagudwa a tawen.
