Saan a bumaba ti 11 a tattao ti pimmusay bayat a nasurok 30 met ti nadundunor iti napasamak a stampede idi aldaw ti Mierkules iti ruar ti M. Chinnaswamy Stadium sadiay Bengaluru, Karnataka, India kabayatan ti panagselebrar dagiti fans ti balligi ti Royal Challengers Bengaluru iti Indian premier league (IPL).
Segun kenni Karnataka Chief Minister Siddaramaiah, pinadas dagiti fans ti premier league a puwersaen a lukatan ti maysa a gate ti stadium tapno makipamaysa iti selebrasyon.
Napagammoan pay a nangipaay ti bunggoy ti free passes babaen ti website da ken nagpanawagan kadagiti fans nga agungpal kadagiti allagaden ngem di da met nimannama ti kinaadu ti bilang dagiti napan nagbuya.
Laksid iti insidente ,ket nagtultuloy latta ti selebrasyon iti uneg met ti stadium kabayatan iti rescue operation kadagiti biktima.
Inawagan ti Board of Control for Cricket in India (BCCI) iti insidente a nakaam-ames ken kinakurang ti preparasyon. Kinuna Sekretaryo da a ni Devajit Saikia a mangireprepresentar laeng dagitoy ti dakes a paset ti panagbalin a nalatak.
‘This is a negative side of popularity. The organizers should have planned it better,’ kinuna ni Saikia.
