Inpakaammo ti National Capital Region Police Office (NCRPO) a nataltalged ti selebrasion ti napalabas a Paskua ken Baro a Tawen gapu iti panagbaba ti kaso ti stray bullet iti 50% idiay Metro Manila no idilig iti 2023.
Segun iti NCRPO, bimmaba met iti 28% dagiti firecracker-related injuries ken nairekord pay ti ahensya ti panagngato ti 1,386% iti nakumpiskar nga illegal fireworks no idilig iti 2023.
Segun kenni Acting Regional Director Police Brigadier General Anthony Aberin, daytoy a resulta ket mangipakita kadagiti naballigi nga estratehia ti pannakaipatungpal ken aktibo a koordinasion dagiti polis kadagiti komunidad.
Awagan ti NCRPO nga agtultuloy ti panagtitinnulong ti publiko para iti nataltalged a Metro Manila.
