LA UNION – Agulimek laengen dagiti padi idiay probinsya ti La Union ken saandan a tutupan dagiti balikas ni Pangulo Rodrigo Duterte kontra iti Simbaan Katolika.
Iti pannakiuman ti Bombo Radyo kenni Fr. Nolan Nabua ti St. Michael the Archangel Parish Church a nakabase idiay ili ti Bacnotan, La Union, kinunana nga imbilin kadakuada ti Diocese of San Fernando a saanen nga ikaskaso dagiti insawang ti Pangulo ken mas nasaysayaat a papigsaen laengen iti pammati ti Dios.
Sigun kenni Fr. Nabua, awan met iti epekto ti npammati kadagiti Katoliko dagiti imbaga ni Pangulo Duterte kontra iti Dios ken simbaan gapu ta iti ikapudnona ket saan met a nakissayan iti bilang dagiti agsimsimba.
Innayon pay ti padi, maawatan na met ti pangulo gapu ta saan met daytoy a relihiyoso wenno padi a makaawat iti linaon ti nasantuan a kasuratan.
