Natay dagiti lima a tattao, pakairamanan dagiti tallo nga ubbing gapo iti maysa a suicide bomber a nang puntirya ti army school bus sadiay Balochistan, Pakistan.
Segun kadagiti otoridad, nasurok 40 nga estudyante ti nakaimatang iti insidente; iti bus ket agturong kuma iti maysa nga army-run school idi napasamak iti panagraut.
Nainget a kinondenar ti Pakistan military ken ti Prime Minister ti Pakistan a ni Shehbaz Sharif iti panagraut ken inakusaran ti inawagan da kas “Indian terror proxies” kas responsable iti insidente.
Kas panagsungbat ket kinuna ti India nga awan ti bibyang da ti nakaam-ames a panagpatay nu ketdi ket inawagan da daitoy kas taktika ti Pakistan tapno maiturong kadakuada iti bukod da nga isyu.
Gapo met iti napasamak, sinesante ti India ti maysa nga opisyal da manipud Pakistan High Commission idiay New Delhi kas panangibales met iti immun-una a panangikkat ti Pakistan ti maysa nga opisyal manipud Indian High Commission idiay Islamabad.
