BR LA UNION – Nagdeploy iti kanayunan a unit iti Philippine Coast Guard (PCG) iti Northwestern Luzon tapno agresponde iti nakaru nga epekto ti bagyo Emong.
Ita nga aldaw, naipangato iti lumaod a paset ti La Union ken iti amianan a parte ti Pangasinan iti Signal Number 3 bayat nga iti dadduma a paset ti Ilocos Region ket naipasidong iti signal No. 2.
Indeploy ti Coast Guard District Northwestern Luzon iti Deployable Response Group (DRG) ken Search and Rescue (SAR) units tapno umasistir iti nalawa a panagakar kadagiti malayos a lugar.
Daytoy ket malaksid kadagiti unit nga indeploy ti Coast Guard Station Pangasinan, La Union, Ilocos Sur, ken dadduma pay a substation.
Nagpatulod metten ti augmentation iti Coast Guard District Northeastern Luzon a tumulong iti operasyon bayat nga agtultuloy ti pumigpisa ti bagyo Emong, nangruna iti coastal communities.
Iti agdama, agtultuloy iti panang-rescue ti PCG kadagiti nalayos a komunidad iti Ilocos Region, kaadwan ket manipud idiay probinsya ti Pangasinan.
