Nagsasaruno a ngimmato ti lebel ti danum kadagiti dam ditoy Luzon gapo iti serye dagiti panagtudo nga inggubuay ti habagat ken bagyong Bising.
Segun kenni Department of Science and Technology (DOST-PAGASA) weather specialist Juan Paolo Pamintuan, dakkel a volume ti danum iti nainayon kadagiti dadakkel a dam ti pagilian kas iti Ambuklao Dam, Magat Dam, Pantabangan Dam, ken San Roque dam.
Nairehistro ti San Roque Dam ti kangatuan a lebel a dumanon ti agingga 70 centimeters iti las-ud laeng ti maysa nga aldaw; normal water level met para iti Ambuklao Dam a 752 meters kasaruno ti panagngato ti lebel na iti 40 centimeters iti kapada nga las-ud ti oras.
Segun kenni Pamintuan, mannama ti agtultuloy a panagngato dagiti lebel ti danum kadagiti dam gapo iti agraraira a weather systems.
Kabayatanna, agtaltalinaed met a nababa ti lebel ti danom iti Angat Dam, kangrunaan a taga-supply intero a National Capital Region ken kadagiti kabangibang a probinsya.
Laksid iti panagtudo kadagiti watershed ti Angat ket nakarehistro latta daitoy ti 15 centimeters a panagbaba kadagiti napalabas nga 24 nga oras.
