Inawaragawag ti maysa a propesor nga eksperto ti international relations a ti pannakipaset dagiti Pilipino a vloggers kadagiti gangganaet a pagilian ket pasimuno iti panagsaknap ti saan nga umiso nga impormasyon.
Kinunana nga adda itan dagiti online content creators ti natakuatan nga adda pakainaigan da iti China nga agdama ita a mangus-usar ti estrathiya a maawagan nga ‘cognitive warfare’, kas pinasingkedan ni Dr. Renato De Castro, maysa a nalatak a professor ti International Relations.
Inlawlawag na a ti People’s Liberation Army (PLA) ti mangar-aramid iti kastoy ken innayon na pay a ti nasao nga estratihiya ket maus-usar tapno mangmanipula ken iyadayo ti puot dagiti Pilipino.
Dagiti vloggers a daitoy kunana ket pro-China a maibilang pay kadagiti indibidwal a panggep nga idestabilisar ti gobierno ti Pilipinas.
Kabayatanna, inbinglay met ti propesor iti panagadal da nga adda pakainaigan ti saritaan ti internasyonal a ti kastoy a klase ti information warfare wenno cognitive warfare ket arig na nakapaunegen ti doktrina ti China.
Innayon ni Dr. Renato De Castro nga uray iti integrasyon ti baro a teknolohiya ti Artificial Intelligence ket maar-aramat para iti pannakaipatungpal ti kastoy nga aramid.
