Inbinglay ti dadduma nga Gilas Pilipinas players ti pannaka-trap da iti elevator ti hotel a nagnaedan dagitoy sadiay Doha, Qatar.
Babaen ti social media account ket nagpost da Gilas players June Mar Fajardo ken Calvin Oftana mainaig ti napasamak nga insidente.
Makita iti post a kadwa ti dua isuda CJ Perez, AJ Edu, Mason Amos, Dwight Ramos ken Kevin Quiambao a kummiddaw ti tulong kalpasan a saan dagos a naglukat iti elevator.
Dagos met a tinulungan dagiti staff ti hotel dagiti players ken natalged dagitoy a nakaruar.
Makuna nga overloaded ti sakay iti elevator isu a saanna a nakayanan ti dagsen dagiti Gilas.
Adda ita sadiay Doha, Qatar ti dagiti Gilas Players para iti friendly games sakbay ti 3rd window ti FIBA Asia Cup Qualifiers.
