BR LA UNION – Kinumpirma ni Department of the Interior and Local Government (DILG) Secretary Juanito Victor “Jonvic” Remulla a ninaganan ti maipagarop a bagman ni Vice President Sara Duterte a ni Ramil Madriaga ti sumagmamano a kinontrata nga hitmen tapno iwayat ti maipagarop nga assassiantion wenno kudeta kontra kenni President Ferdinand Marcos Jr.
Segun kenni Remulla, maibasar iti nagbalin a paset ti sinapataan a salaysay ni Madriaga ken inbutaktakna iti house committee hearing ti impeachment ni VP Sara idi Martes, April 14, dagiti plano a panangpatay iti Presidente ket maipagarop a nabayagen nga option ken namnamaen a rumwar ti dadduma pay nga impormasyon kadagiti dadduma pay a testimoniya.
Ti nasao a waragawag ni Madriaga ket nainget a pinaglibakan ti kampo ti Bise Presidente ken inawagan da a “pure fiction” ken kurang iti ebidensiya.
Kabayatanna, intaleken ti Malacanang iti National Bureau of Investigation (NBI) ti imbestigasyon iti nagbalin a waragawag ni Madriaga.
Innayon ni Remulla, masansan nga adda pangta iti seguridad ti Presidente ken saan a napukaw daytoy, aggapo man iti kampo ti Bise wenno aggapo iti dadduma pay a grupo, a kanayon a kabuyog iti panagbalin a Presidente ken lider ti pagilian.
