Kinumpirma ti Philippine Embassy idiay Russia a sumagmamano a Pilipino iti agdama a stranded sadiay kalpasan a mabiktima iti illegal recruiter.
Segun iti embahada, dagiti stranded a Pilipino ket na-recruit idiay Hong Kong ken naipatulod agturong idiay Russia.
Idi nakasangpet da iti nasao a pagilian ket awan met iti agur-uray a trabaho a para kuada.
Agtaltalinaed met nga iggem dagiti dadduma nga indibidwal iti pasaporte ti nabiktima a Pilipino.
Kinumpirma pay ti Philippine Embassy nga agtultuloy da a makaal-ala kadagiti reports ken reklamo mainaig iti illegal recruiter a pagaammo laeng iti nagan nga “Helen.”
Impasiguro iti embahada a maiyar-aramidanen iti wagas tapno makaawid ditoy Pilipinas dagiti biktima.
