BR LA UNION – Kinumpirma ti J.J. Ugland Companies a Pilipino dagiti crew ti M/V Lunita, iti barko a natiliwan ti dua a tonelada a cocaine idiay South Korea.
Agtaltalinaed pay laeng iti nasao a barko dagiti crew, ken nangala ti kompaniya ti abogado tapno tumulong iti sitwasyon.
Iti Norwegian-flagged cargo vessel ket simmangpet idiay Okgye, South Korea, idi Abril 4, ket sadiay a nasarakan dagti otoridad iti droga a nakalemmeng iti barko.
Agtultuloy iti imbestigasyon tapno amwen nu kasatno a naiserrek iti barko dagiti nasao a droga.
Nakitinnulong ti kompaniya kadagiti maseknan nga opisina idiay South Korea ken dadduma pay a pagilian tapno makatulong iti imbestigasyon.
Nainget a sursuruten ti J.J. Ugland Companies iti zero tolerance policy kontra illegal nga aramid isunga mangisayangkat a ti panagamiris seknan iti pasilidad ken tao dagitoy.
Iti M/V Lunita ket regular nga agop-operate ken nabiit pay a bimmisita kadagiti pantalan idiay Mexico, Ecuador, Panama, China, ken South Korea.
