Saan a kombinsido ti dadduma a senador a mangipasa ti Kongreso iti nasional a badyet nga adda nabati a blank items.
Kinuna ni Senador Sherwin Gatchalian, no adda dagiti “blank items” a nabati iti 2025 national budget, saan daitoy nga agbalanse.
Kinunana pay a saan a pirmaan ni Senate Committee on Finance Chairman Senator Grace Poe ti 2025 General Appropriations Act no adda blangko a nabati iti pondo.
Daytoy ti sungbat ni Gatchalian iti alegasion ni sigud a Presidente Rodrigo Duterte nga adda dagiti sumagmamano a banag iti 2025 national budget a blangko, nga kunana a saan a maakseptar.
Maysa dayta a banag a binaliktad ni Presidente Ferdinand Marcos Junior, ken kinunana nga agul-ulbod laeng ni Duterte.
Sinuportaran ni Senador Joel Villanueva dagiti waragawag ni Gatchalian.
Segun kenni Villanueva, kas kameng ti bicameral committee, ti pinirmaan na ket ti full bicameral conference committee report.
Karit ita ti senador, nawaya ti amin a mapan iti Korte Suprema ken mangkuestion iti kinakonstitusional ti badyet.
Ngem, pinasingkedan ni Villanueva nga awan ti nakitana a blangko iti 2025 national budget.
No pudno nga adda maduktalan a blank items iti pondo, posible a lump sum daytoy.
Iti sabali a bangir, kinuna ni Senador JV Ejercito nga awan ti pinirmaanna iti mapapati a blangko a bicam report ken kinunana pay nga awan ti pamiliar a pirma dagiti senador.
Immunan nga kinuna ni Senador Risa Hontiveros a mabalin a nabiktima ni Duterte kadagiti peke a damag.
