Panggep ti Department of Transportation (DOTr) nga aramiden a pribado ti agingga sangapulo a rehiyonal ken tourist airports ditoy pagilian inton sumaruno a tawen.
Segun kenni Transportation Secretary Vince Dizon, karaman kadagiti airports a maipasidong ti public-private partnership (PPP) ket dagiti adda sadiay Iloilo, Davao, Siargao, Laoag, Busuanga, Bicol, Tacloban, Bacolod-Silay, General Santos, ken Puerto Princesa, Palawan.
Nupay adda dagiti naisina nga airports ti ma-develop iti naisina a proyekto, silulukat met ni Dizon iti posibilidad a pagmaymaysaen daitoy para ti maysa a bidding package, kas iti rekomendasyon ti International Finance Corporation (IFC) ken Asian Development Bank (ADB).
Mainaig ti daitoy ket manmnama pa ti kanayunan nga airport modernization kas iti installments dagiti e-gates ti agpada a departure ken arrival area.
Maipalagip nga idi aldaw ti Lunes ket pormalen nga in-turnover ti DOTr ken ti Civil Aviation Authority of the Philippines (CAAP) ti operasyon ti Bohol-Panglao International Airport iti Aboitiz Group babaen ti katulagan nga aggatad ti P4.53-B.
Idi met Setyembre 2024 ket naiyakar ti Ninoy Aquino International Airport (NAIA) ti liderato ti New NAIA Infra Corp., maysa a grupo nga idadauloan ti San Miguel Corporation.
Kabayatanna, kinuna pay ni Dizon ng agtultuloy ti gobierno iti panangipasdek ken panagpalawa kadagiti airports para met kadagiti adayu a paset ti pagilian.
