Kinumpirma ti Department of Justice ti pannakairaman dagiti sumagmamano nga opisyales ti gobierno ti pannakapukaw dagiti mammallot a mapapati a napapatay ken naibelleng idiay Taal Lake.
Impaganetget ni Justice Secretary Jesus Crispin Remulla a saan nga ordinaryo a kaso nu di ket maysa daitoy nga organisado a krimen isu’t gapo na a kasapulan ti nauneg nga imbestigasyon ken panagannad, nangruna kadagiti impormasyon a rumrumuar iti publiko.
Kabayatanna, kiniddaw met ti Justice Secretary kadagiti kakabagian dagiti mapukpukaw a mammallot nga ipaayan pay ida ti kanayunan a panawen tapno ilawlawag iti pudno a napasamak.
Maipalagip a kinuna iti maysa nga akusado a ni alias ‘Totoy’ a saan laeng a 34 dagiti mapukpukaw nu di ket lumagpas pay iti sangagasot.
