LA UNION – Uray no adda ti agur-uray a peggad gapu ti epekto iti bagyo Ompong ket adda dagiti sumagmamano a residente nga asideg iti karayan idiay Barangay Parian Easte, Bauang, La Union iti saanda a kayat ti umakar.
Maysa ni Mang Percival kadagiti lallaki a nagpaibati idiay lugarda tapno bantayan ti bukodda a pagtaengan.
Sigun kenni Mang Percival, umakar laeng isuna no napeggaden ti lugarda uray no madama itan ti panaglupys ti kayaran.
Nakadkadlaw a kaadduan kadagiti residente ti nasao a barangay ket nagturongen kadagiti natalged lugar wenno evacuation center.
Kabayatanna, agyamyaman met ni Nana Victoria Bagsi ken Mang Nora Calica iti Bombo Radyo La Union gapu ta napadaras iti panagakarda ken napunas iti panagdanag dagitoy.
Nalabasan ken inlugan iti mobile patrol ti Bombo Radyo dagiti dua kakuyog iti bukodda a pamilya a magmagna iti kangitingitan iti panagbayakabak ti napigsa a tudo.
Iti istorya dagiti dua, agap-apurada a panawan ti nasao a barangay gapu ta sinerreken iti danum naggapu manioud ti karayan ti babbalayda.
Gapu ta napunnon dagiti evacuation center ket mas kinaykayatda iti nagpaitulod iti balay ti kakabagyanda tapno agpalabas ti oras kabayatan a saan pay a pumanpanaw ti bagyo.
