BR LA UNION – Eksakto alas-5:49 itay malem a pormal nga inawat ti Senate impeachment court iti answer ad cautelam wenno sungbat ni Vice President Sara Duterte seknan iti naiyisyu kenkuana a writ of summon.
Naipatulod iti dokumento babaen ti messenger a ni Arnel Barrientos Jr. ti Fortun, Narvasa, & Salazar, iti law firm a mangibagi kenni VP Sara iti panagusig.
Innem a napuskol a kopya iti naipatulod iti clerk of court wenno iti opisina ni Senate Secretary Renato Bantug Jr.
Aganay 35 pages iti linaun ti kopya ti sungbat ni VP Sara iti writ of summons
Iti answer ad cautelam, nakailanad iti void ab initio wenno void from the beginning, gapu iti tarigagay ti kampo ni Duterte nga ipa-dismiss iti kaso.
Immuna ti daytoy, naipaayan ni Duterte ti non-extendible period a 10 nga aldaw tapno agsumite ti sungbat, sipud idi naawat na ti writ of summons ken kopya ti reklamo, maiyannurot iti Article 7 ti impeachment rules.
Naawat ti opisina na iti kopya idi June 11.
Agingga alas-syete ita a rabii laeng nga urayen ti clerk of court a ni Bantug iti sungbat ni VP Sara… ngem immabot iti oras.
Maipaayan met ti kopya ni Senate President Francis “Chiz” Escudero, ni Impeachment Court Spokesperson Atty. Reginald Tongol ken agrikos iti amin a senador.
