Natiliwen dagiti suspek iti panagtakaw ti brass markers iti World War II momument sadiay Barangay Alabang, Muntinlupa segun iti lokal a gobierno da.
Sakbayna ket nangipaay metten ti reward ni Mayor Ruffy Biazon ti P100K ti siasinoman a makited ti impormasyon mainaig iti suspek.
‘Magbibigay ako ng Reward na ₱100,000.00 para sa impormasyon para makilala at mahuli ang kumuha ng mga brass na plake na nagsilbing marker sa monumento ng mga bayani sa plaza ng barangay Alabang,’ post ni Biazon iti social media account na.
Kabayatanna, natiliw iti suspek babaen ti koordinasyon dagiti pulis ken opisyales ti barangay. Inaklon na iti panangilako kadagiti markers ti maysa a junk shop, nga itan ket karaman payen iti mapilaan ti kaso babaen iti Anti-Fencing Law.
Dagos a nagturong ni Mayor Ruffy Biazon sadiay PNP station idiay Alabang Junction tapno personal a kitaen iti panagrang-ay iti kaso, nu sadino ket adda iti posibilidad a natunawen ti brass marker kas maibasar ti inisyal nga imbestigasyon.
Masarakan ti monumento idiay plaza ti Barangay Alabang ken tunggal Pebrero 4 ket ramrambakan ti ili iti kinabannuar dagiti gerilya.
‘Sa plakeng ninakaw na nakakabit dito nakalista ang pangalan ng mga beteranong gerilya na lumaban para sa kalayaan ng mga Muntinlupeño. Tuwing February 4 natin ginugunita ito,’ innayon pay ni Biazon.
