Inladawan dagiti imbestigador iti suspek ti napasamak a pammaltog iti Annunciation catholic church idiay Minneapolis nga ‘obsessed’ iti ideya ti panangpapatay kadagiti ubbing ken ibilbilang kas maysa a domestic torrorism gaputi gura,
Segun kenni Minneapolis Police Chief Brian O’Hara, napatay ti suspek a ni Robin Westman, baente tres anyos, dagiti dua nga ubbing bayat a sangupulo ket walo iti nadundunor. Awan pay met ti nalawag ken partikular a motibo ti suspek iti krimen, ngem rumrumuar a kagura ti suspek iti amin ken kayat na a patayen dagiti ubbing.
Maibasar iti inisyal a detalye dagiti opisyal, sigud a dumardar-ay ni Westman iti church school ken nagtrabaho pay sadiay iti inana.
Iti maysa a new conference, imbaga ni US Attorney General for Minnesota Joseph Thompson a nangipeksa pay ti gura iti suspek kadagiti ado a grupo pakairamanan iti Jewish community ken kenni US President Donald Trump babaen ti imbati na a notes sakbay a pinaltugan ti bagina.
Kenuna met ni Federal Bureau of Investigation Director Kash Patel, nangibati iti suspek ti ado nga anti-Catholic ken anti-religious references a kaaduan ket nakasurat iti Russian Cyrillic alphabet kadagiti paltog ken notes a nadiskubre dagiti imbestigador.#
