BR LA UNION – Impatungpal iti lokal a gobyerno ti Quezon City iti class suspensions ken liquor ban iti nasao a siyudad kas paset ti preparasyon da iti maikapat nga State of the Nation Address ni President Ferdinand Marcos Jr.
Kinumpirma mismo ni Quezon City Mayor Joy Belmonte a nakasaganan ti Law and Order Cluster da a tumulong iti Philippine National Police (PNP) a mangipatungpal ti seguridad iti intero a Batasan Complex.
Malaksid dayta, mangdutok pay ti kanayunan a tao iti Traffic and Transport Management Department ti Quezon City para iti naannayas a taray ti trapiko iti lugar a pakaisayangkatan ti SONA ti Presidente.
Kabayatanna, adda met ti umiso a bilang iti emergency response units da a naka-standby ingkaso a kasapolan ti kanayunan a medical support ken assistance iti publiko.
