Inlawlawag ti Korte Suprema a mabalin a makumpiskar wenno mai-garnish ti sueldo dagiti opisyales ti gobierno tapno ibayad kadagiti utang da, kas maiyannurot ti linteg.

Babaen ti desisyon nga insurat ni Associate Justice Samuel Gaerlan, kinuna ti Third Division iti Korte a saan a mailaksid ti garnishment ti sueldo dagiti pampubliko nga opisyal, kas iti kaso ni Atty. Fred Bagbagen. Pinalubosan ti RTC iti garnishment ti sueldo na a nakadeposito ti Philippine Veterans Bank tapno mabayadan iti utang na a P308K kenni Anna May Perez.

Nupay napaawan-basol ni Bagbagen iti kaso nga estafa, napaneknekan met nga adda iti civil liability na. Mainayon iti dayta ket ti panangbasura ti RTC ken Court of Appeals iti argumento ni Bagbagen a ti sueldo na ket sweldo pondo paylaeng ti gobierno, agingga a saan a naus-usar.

Kinuna ti Korte Suprema nga awan iti aniaman a paglintegan mainaig iti panag-exempt ti sueldo dagiti opisyal manipud iti garnishment. Babaen iti Rule 39 ti Rules of Court, mabalin a pangbayad ti utang iti sueldo, pribado man wenno pampubliko.

Kabayatanna, exempted met dagiti manual laborers wenno mangmangged a protektado ti agingga uppat a bulan ti sueldo tapno masiguro nga adda iti pangsustento kadagiti pamilya da.

Impaganetget pay ti Korte a nangatngato ti pagsungbatan dagiti kameng ti gobierno agsipud isuda ket pinagtalkan iti publiko a mangiggem iti puesto.