LA UNION – Inuram dagiti rebelde idiay Syria iti tanem ni sigud a President Hafez al-Assad, iti ama ti napatakyas a lider a ni President Bashar al-Assad.
Iti ama na ti nangidaulo iti Syria iti uneg ti 29 a tawen agingga a natay idi 2000.
Segun iti rebelde a grupo, kayat da laeng nga idanon, a ti inaramid da ket para kadagiti umili ti Syria a naabuso ken naulpitan iti panangidaulo dagitoy.
Maipalagip a naglibas a nagturong idiay Russia ni Pres. al-Assad kadwa na ti pamilya na kalpasan a makontrol dagiti rebelde a grupo ti nasao a pagilian.
