Inwaragawag ti Hualien County iti madagdagos a panagsagana kangrunaan kadagiti residente idiay Guangfu gapo iti in-inot a panagasideg ken manamnama a panagduprak ti Typhoon Fung-Wong idiay Taiwan.
Agdama nga agrekrekobre iti nasao a lugar manipud ti nakaro a panaglayos kalpasan ti panag-overflow ti Mataian barrier lake idi bulan ti Setiembre. Nangigubuay daytoy ti major damage ken 19 a casualties.
Kagiddan iti posibilidad ti panaglayos, nangrugin a mangiwaras iti Hualien dagiti emergency evacuation kits para kadagiti residente, a naglaon ti taraon, danom, hygiene products, flashlights, safety guides, ken dadduma pay a kasapulan ti inaldaw.
Impadamag ti gobierno ti Hualien a gimmasto da ti NT$65 million (US$2 million) tapno gatangen dagiti nadakamat a kits nga addaan ti pakabuklan a bilang a 135,000.
Nabalakadan iti publiko nga agbalin a naridam iti panawen ken lokal a paniempo bayat ti panagasideg ti bagyo.
Nairekomenda pay kadagiti residente a mangisagana ti supply ti taraon, danom, ken napateg a medikasion nga agbayag ti agingga tallo nga aldaw.
Naibalakad met a liklikan dagiti high-risk areas kas kadagiti kalsada nga adda iti igid ti bantay, karayan, ken waig kabayatan ti panagduprak ti bagyo.
Napateg a suruten iti naipaulong nga evacuation order ken dagos nga agturong kadagiti designated evacuation sites ken shelters.
