Kabayatan iti panangisayangkat ti Chinese leader a ni Xi Jinping kadagiti high-stakes talks kenni US President Donald Trump ket inakusaran ti Taiwan iti Beijing kas agmaymaysa a pagtataudan ti gulo iti rehiyon.
Pagaammo nga kayat a bagien ti Communist Party iti self-ruled island kas bukod da a teritoryo ken inkeddeng a dumteng iti aldaw a sakopen da daitoy usar iti puersa nu kasapulan.
Kinuna ni Xi kenni Trump a ti Taiwan ti kapatgan nga issue ti China-US relations ken mabalin a mangigubuay ti delikado a sitwasyon nu saan a maimaton a nasayaat.
Pinagtalinaed met ti Washington ti natibker nga unofficial relations iti democratically-governed a Taiwan, ngem saan latta a nalawag nu makibiang daitoy usar iti militar apaman nga agpayso a sumakop iti China.
