Mangisayangkat met ti military drill iti Taiwan kas sungbat iti immun-una nga military drill nga inaramid ti China iti isla da.
Maipalagip nga idi Abril-1 ket nangiyuswat manen ti People’s Liberation Army (PLA) ti baro a drill pakairamanan ti panangaramat kadagiti live-fire exercise ti kabaybayan nga aglikmut ti Taiwan.
Segun iti gobierno ti Taiwan, manipud ita nga Abril 5 ket mangisayangkat met dagiti nagduduma a command da kadagiti simulated military operations nu sadino ket sentro daitoy iti gyera kontra Chinese People’s Liberation Army (PLA) forces.
Ti nadakamat a military simulation ket manipud kadagiti nagduduma a kapasidad kas iti short battles agingga high-intensity conflict.
Segun kenni Taiwan Ministry of National Defense – Joint Operations Planning Division Director Major General Tung Chi-hsing, agpaot ti nasao nga drill agingga Abril-18 ken posible met nga agbalin a paset daitoy ti Joint Theater Level Simulation Platform
Manamnama a ti nasao nga military drill ket mangpadas iti abilidad dagiti Taiwanese commanders iti panagusar kadagiti military asset da kadagitiu nagduduma nga operasyon.
Mausar met iti drill dagiti military assets a ginatang ti Taiwan idiay Estados Unidos kas dagiti battle tanks, artillery rocket systems, guided missile, ken dadduma pay.
