BR LA UNION – Nangipeksa ti suporta iti Taiwan kenni Presidente Ferdinand Marcos Jr. kalpasan ti nagbalin a waragawag na seknan iti posible a pannakibiang ti Pilipinas ingkaso a tumpuar ti Taiwan invasion, banag a nakarurodan ti China.
Iti maysa nga statement iti X, imbinglay ti Ministry of Foreign Affairs (MOFA) ti Taiwan iti interview kenni Presidente Marcos ken imbaga a nalawag iti kinapudno a ti mapaspasamak idiay Taiwan Strait ket adda epekto na iti amin.
Immuna ti daytoy, iti interview kenni Presidente Marcos idiay India, imbaga na a saan a mabalin nga agtalinaed nga awan ti bibiang ti Pilipinas nu adda mapasamak a riribok iti baetan ti China ken Taiwan, agsipudta adu a Pilipino ti agtrabtrabaho sadiay.
Kinuna na pay a kasapolan a maprotektaran dagiti overseas Filipino workers (OFWs) ken silulukat iti posibilidad a palubosan iti Estados Unidos nga usaren iti resources ken base-militar ti Pilipinas nu adda riribok.
