Naarestar dagiti tallo a lallaki a nakasuot ti balaclava wenno face coverings ken vests na addaan ti marka a “Press” iti naisayangkat a Trillion Peso March rally idiay Manila idi kalman, Nobiembre 30.
Maibasar iti inisial a report ti pulisya, nadlawan dagiti tallo nga indibidual asideg ti Plaza Plaza Salamanca iti Kalaw Avenue.
Inasitgan ida dagiti otoridad kalpasan a makitada a naka-abbungot dagiti tallo a maiparit iti sidong ti baro nga ordinansa ti siudad ti Manila.
Naiturong dagiti tallo iti presinto tapno mapagsaludsodan ken iberipika dagiti pakabigbigan da.
Segun kadakuada, kontributor isuna ti KS21 page mainaig iti grupo a “Kilusang September Bente Uno.” Inladawanda iti grupo kas freelance media outfit a supsuportaran ti maysa a saanen a nainaganan a non-governmental organization (NGO).
Maibasa met iti page ti Kilusang Septiembre Bente Uno, iti grupo ket maysa a youth coalition ken NGO a mangilunglungalong dagiti adbokasiya a pro-accountability, anti-corruption ken pro-Philippines.
Iti agdama, agtultuloy na iberberipika dagiti otoridad iti pudno a pakabigbigan dagiti tallo ken ti maipagarup a koneksion da ti naso a media group.#
