Nangipaulog ti security alert iti Embassy of the United States in Manila para kadagiti umili da ditoy Pilipinas, kasaruno iti pannakatay dagiti dua nga Amerikano nga NPA iti engkuwentro da kontra militar idiay Toboso, Negros Occidental.
Segun iti abiso, masakopan ti alerto iti probinsya ti Leyte, Mindoro, Negros, ken Samar. Naballaagan pay dagiti Amerikano ditoy pagilian nga agtungpal kadagiti agrarai a linteg ken agannad iti panagbiahe kadagiti nasao a lugar.
Maibasar iti report ket dua dagiti US citizens manipud kadagiti 19 a natay iti lehitimo nga operasyon ti Armed Forces of the Philippines kontra New People’s Army idiay Barangay Salamanca idi Abril 19.
