Rinugianen ti Hamas a wayawayaan dagiti hostages da kalpasan a nagbalin nga epektibo ti ceasefire iti nagbaetanda iti Israel.
Dagiti tallo nga Israeli hostages nga immuna a nawayawayaan kadagiti 33 iti uneg ti innem a lawas ket isuda Romi Gonen, Doron Steinbrecher, ken Emily Damari.
Inted ti Hamas dagiti hostages kadagiti Red Cross personnel ken naiturong dagitoy iti Israeli military idiay Gaza.
Manamnama nga iti sumaganad a sumagmamano nga oras, wayawayaan met ti Israel dagiti hostages da a Palestino.
Segun iti Red Cross, napinget ken nasalun-at dagiti tallo nga hostages.
Adu nga Israeli ti nagselebrar idiay Tel Aviv kalpasan ti pannakawayawaya ti umuna a batch dagiti nakautibo ti Hamas.
