Papaimbestigaran dagiti otoridad ti inidente dagiti tallo nga indibidwal a mangus-usar ti maysa a kanal idiay Makati kas temporario a pagnanaedan.
Nagwaras iti social media idi Martes ti maysa a video a mangipakpakita nga adda iti rimuar manipud ti abut ti drainage canal iti kanto ti V.A. Rufino ken Adelantado Streets sadiay Barangay San Lorenzo.
Segun iti Makati Police ken kas maibasar metten ti CCTV footage ket tallo a tattao ti nagsasariuno a simrek iti nasao a kanal agarop alas-4 ti malem idi aldwa ti Lunes. Maibasar ti imbestigasyon, pulubi ken palaboy dagiti indibidwal a manipud pay Barangay Pio Del Pilar.
Natakuatan pay ti uneg ti kanal dagiti sumagmamano nga alikamen kas iti screwdriver, pliers, ken lyabe’t tubo a rason tapno agduadua dagiti maseknan para ti posible a kriminal nga aramid.
Pagaammo a ti kanal ket konektado ti maysa a creek ken posible a konektado pay agingga iti drainage system sadiay Amorsolo Street.
Kabayatanna, simmangpet met iti dagiti mangibagi ti ‘Pag-abot Program’ ti Department of Social Welfare and Development (DSWD) kas inisyal a tulong ken kumustaen ti kasasaad dagiti palaboy.
