Nagleppasen iti kampania da Alex Eala ken sigud a world No. 1 a ni Venus Williams iti doubles competition ti Bad Homburg Open.
Daytoy ket kalpasan ti pannakaabakna iti quarterfinals kontra kada Tereza Mihalikova ti Slovakia ken Olivia Nicholls ti Great Britain
Da Mihalikova ken Nicholls, nga agpada a maika-29 iti WTA doubles rankings, ket nakairekord ti 6-3, 6-2 a panagballigi iti maysa nga oras ken 20 a minuto tapno makaabante iti semifinals ti WTA 500 tournament.
Nagpatingga met ti kampania ni Eala iti nasao a torneo kalpasan a naabak kenni Elise Mertens iti umuna a round ti singles competition.
Laksid daytoy, naipamaysa itan ti atension ni Eala iti masungad a Wimbledon Championships a maangay inton sumaruno a lawas.###
