Bimmaba ti nakolekta ti gobierno a taripa ti bigas para ti napalabas a tawen 2025.
Maibasar ti Bureau of Customs (BOC), P13.7-B laeng ti rice tariff a nakolekta da para ti pakabuklan a tawen.
Nababbaba daitoy a bilang ti agarop 60% nu idasig idi tawen 2024 nga addaan ti P34-B.
Inantisiparen ti industriya ti bigas ti panagbaba ti koleksyon ti taripa agsipud ta naibaba met ti 15% ti taripa manipud iti sigud a 35%.
Malaksid kadaitoy ket ti panangiparit pay ti Department of Agriculture (DA) ti panagpastrek kadagiti naangkat a bigas a nangrugi idi Setyembre 1.
