Blangko pay laeng iti pulisya maipapan ti kinatao ti suspek a maipagarup a nangitaray iti laptop a kukua iti maysa a mannursuro ti Fernando Elementary School idiay ili ti Sto. Tomas, La Union.
Naammuan ti Bombo Radyo manipud iti Sto. Tomas Police, maipagarup nga imbati ti saanen a nainaganan a biktima ti nasao a gadget iti uneg ti silid-pagadalan daytoy tapno dumar-ay ti Christmas party.
Ngem idi a nagsubli iti nadakamat a silid ti maestra ket naduktalannan a mapukpukaw ti laptop nga agbalor iti P18,000.
Agparparang iti imbestigasyon ti pulisya a simrek ti suspek iti tawa ti pagadalan tapno maala ti nadakamat nga alikamen.
