Impakdaar ni House Deputy Minority Leader ken ACT Teachers Party-list Representative France Castro ti peggad nga igubuay ti itantandudo a temporario a pannakawayawaya ni sigud a Presidente Rodrigo Duterte manipud ti detention facility ti International Criminal Court wenno ICC.
Inlawlawag na nga uray sadinuman a paset ti lubong ti papanan ni FPRRD ket agtultuloy na latta a pangpangtaan dagiti biktima ken testigo ti crimes against humanity na.
Impaganetget pay ni Castro nga apaman makaruar ti detensyon ni Duterte ket maaddaan daitoy ti gundaway a mangiwaras ti saan nga umiso nga impormasyon a makaapektar ti proceedings ti ICC.
Mainaig iti daitoy ket nagpanawagan met ni ACT Teachers Party-list Representative-elect Antonio Tinio kadagiti bikitma, human rights organizations, ken kadagiti mangitantandudo ti hustisya nga aktibo a kontraen ti petisyon para para ti temporario a pannakawayawaya ni sigud a Presidente Duterte.
