LA UNION – Agapaman a rimsua iti tensyon iti baetan dagiti dua a kandidato para kapitan iti Barangay Catbangen, syudad ti San Fernando, La Union iti kangitingitan ti panagbobotos.
Kinuna ni Incumbent Barangay Chairman Jeffrey Apilado, nag-stand by idiay poll precincts ti kabalubalna para iti chairmanship race a ni Robert Apilado Sibayan.
Maipagarup nga adda pay dagiti tauhan ni Sibayan nga agiwarwaras iti sample ballots kadagiti botante.
Nagpaayab met iti pulis ni Apilado tapno anawaen ti kabalubalna iti posisyon.
Kabayatanna, pinaglibakan met ni Sibayan dagiti pammabasol kenkuana ti nasao a kapitan.
Kinuna ni Sibayan, apagbiit laeng a naguray isuna ti asawana tapno aggiddanda koma nga agbotos ngem simrek a dagus daytoy idiay poll precincts.
Awan met ti kinapudnona ti pammabasol nga adda pay ti tauhana nga agiwarwaras ti sample ballots ket kinaritna iti kalabanna a mangiparang ti ebidensya.
Impaganetget ni Sibayan nga ammona met dagiti pagannurutan ti eleksyon pambarangay.
