Temporario nga inserra ti Thailand dagiti dua a border crossings na iti Cambodia idi aldaw ti Sabado kas addang para ti kinatalged da kasaruno metten ti kumarkaro a tensyon ti nagbaetan dagiti dua a pagilian.
Naaramid ti desisyon kalpasan ti military clash idi Mayo 28 sadiay Emerald Triangle – maysa a road junction a bumeddeng ti Thailand, Cambodia, ken Laos – a nakatayan ti maysa a sundalo a Cambodian gapo paylaeng iti rinnaut.
Segun iti gobierno ti probinsya ti Chanthaburi, Thailand, dagiti tourist crossings kadagiti dua a kangrunaan a border checkpoints ket “temporarily suspended,” ngem agtultuloy a ti kalakal ken panagserrek dagiti mangmangged manipud Cambodia.
Imbatad met ti Royal Thai Army a ti panangiserra ti border ket tapno masalakniban ti soberenya ken seguridad ti pagilian. Malaksid iti dayta ket innem pay a border points ti nangipatungpal ti nasurok maysa oras nga operasyon ken panangiparit kadagiti lumabas a lugan.
Kinuna ni Thai Defense Minister Phumtham Wechayachai a naaddaan ti military buildup iti biang ti Cambodia a nakanayon manen iti tensyon. Kas sungbat ket nagnayon met ti tropa iti Thailand iti crossing border da.
Innayon pay ti biang ti Thailand a nakasagana ti Royal Thai Army da a mangisayangkat ti “high-level operation” nu labsingen ti Cambodia ti linteg.
Laksid iti tensyon, intuding ti Thailand ken Cambodia ti maysa a bilateral talks inton Hunyo 14 tapno maresolbar iti problema. Segun kenni Cambodian Prime Minister Hun Manet, saan nga isuda ti nangirugi ti gulo ngem nakasagana da a protektaran ti pagilian da.
Nagpangta pay ti Cambodia a mangisubmitir ti reklamo sadiay International Court of Justice (ICJ) nga uray pay saan met a bigbigbigen ti Thailand ti hurisdiksyon daitoy.
Makuna a ti tensyon ay matagal nang umiiral mula pa noong taong 2008, nang magkaroon ng sagupaan kaugnay sa isang sinaunang templong Hindu na humantong naman sa mahigit 28 katao na ang nasawi sa mga nagdaang taon.
Napagammoan a nabayagen iti nasao a tensyon ti dua a pagilian nga agraraira idi pay tawen 2008 – iti dayta a tawen ket napasamak ti rinnaut nga adda pakainaigan na kadagiti dua a Hindu Temple – a nakatayan met ti nasurok 30 a tattao kadagiti naglabas pay a tawtawen.
