BR LA UNION – Bimmilib ni President Ferdinand Marcos Jr. iti laing a kumanta ni Sofronio Vasquez, iti kakaisuna a Pilipino ken Asian winner ti The Voice USA.
Iti courtesy call idiay Malakanyang, nagyaman ti Presidente kenni Vasquez iti nagun-od na a pammadayaw para iti Pilipinas.
Kinuna ti Presidente a sikat manen ti pagilian ken dagiti Pilipino iti intero a lubong gapu iti panagballaygi ni Vasquez iti international stage.
Iti biang ni Sofronio, nagyaman kenni President Marcos iti panangbigbig na ti nagun-od daytoy.
Kinantaan ni Sofronio iti Presidente ken dadduma pay a bisita iti okasyon a pakairamanan da First Lady Liza Araneta-Marcos ken Irene Marcos.
Kabilang iti kinanta na iti maysa kadagiti paborito a kanta ti Presidente, iti Imagine ni John Lennon ken iti winning piece na a “A Million Dreams.”
Saan a nalapdan ti nagluwa ni First Lady Liza Marcos iti panagkanta ni Sofronio.
Angaw met ni PBBM, “never again” wenno saanen a kumanta nu saan met laeng a kalalaing ni Vasquez.
Kinuna ti kampeon a pinili na iti nasao a kanta kalpasan a naamwan na a maysa a fan ti Presidente iti The Beatles.
