Nangilatag ni Philippine National Police (PNP) Chief Gen. Nicolas Torre III kadagiti Three Pillars of Leadership nga ipamaysa ti kapulisan babaen ti termino na.
Umuna ket kasapulan a mapapartak ti serbisyo publiko nu sadino ket mangrugin a maipatungpal ti 3-minute response time.
Kinuna ni Torre nga impatungpal na daitoy idi kas direktor ti QCPD ken PRO 11 wenno Davao Regional PNP ken nupay maipatungpal tu metlaeng iti intero a pagilian ket maipangruna paylaeng ti Metro Manila.
Maikadua ket ti panagkaykaysa ken panagpangato ti morale, kinunana nga isubli na ti respeto ti maysa ken maysa babaen ti leadership by example.
Maikatlo ket ti accountability and modernization, babaen iti daitoy ket maikkan ti pammadayaw dagiti pulis a nasayaat ti trabaho na nu maidasig kadagiti ‘pogi points’ laeng.
Kabayatanna, kinarit ti PNP chief dagiti nasurok 220K a pulis a tungpalen ti mandato da kas maiyannurot ti linteg ken ipaay ti napartak a serbisyo publiko.
