Madanagan unay ni Gilas Pilipinas head coach Tim Cone iti pannakainjury ti saka ti sentro a ni Kai Sotto.
Nagsagrap ni Sotto iti nasao a pannakadangran bayat ti panagay-ayamna iti 2024-25 season ti Japan Basketball League.
Makita iti mismo a rugi ti ay-ayam a kellaat a natnag ni Sotto ket iggemna ti tulangna bayat nga nakakukot gapu iti ut-ot.
Gapu ta awan pay laeng ti kinasiguro no makasubli ni Sotto iti ay-ayam, silulukat pay laeng ti pagpilian iti dadduma nga players.
Sumagmamano kadagiti pagpilpilian ket isuda Japeth Aguilar ken Mason Amos.
Kabayatanna, makisalip ti Gilas iti 2025 FIBA Asia Cup Qualifiers inton sumaruno a bulan.
Karaman dagiti dua iti Gilas rosters manipud iti panangtaming ni Cone iti national basketball team.
Ita pay laeng ket pagsagsaganaanen ni Cone ti mabalin a mapasamak kenni Kai Sotto.
