Saan a madanagan ni Gilas Pilipinas coach Tim Cone iti baro a stratehiya a mabalin nga usaren ti baro a coach ti New Zealand.
Kinunana nga adda talek na kadagiti miyembro ti Gilas kasta met iti dakkel a katulongan ni Kevin Quiambao iti bunggoy.
Maipalagip a pinalubosan ti La Salle Green Archers a paay-ayamen ti 6’10” a ni Quiambao para iti laban kontra New Zealand ken Hong Kong.
Iti first window ti 2025 FIBA Aisa Cup Qualifiers ket nakairekord ni Quiambao ti 15 points, 3 rebounds, 2 assistsm ken 1 steal.
Kabayatanna, adda met baro a coach ti New Zealand a ni Jude Flavell.
Sinukatan ni Flavell ni Pero Cameron a nagretiro kalpasan nga awaten ti diaya kenkuana nga agbalin a coach ti Ningbo Rockets iti Chinese professional league.
Makasango ti Gilas ti New Zealand inton Huwebes bayat nga makalaban da met iti Hong Kong inton Dominggo, ita metlaeng a lawas.
