Tarigagay ni Gilas Pilipinas head coach Tim Cone nga agbalin nga nasiglat ken saan a mainjury dagiti players ti bunggoy a makisalip para iti FIBA Asia Cup Qualifiers a maangay inton Pebrero 20 ken 23 sadiay Taiwan ken New Zealand.
Kinuna ni Cone a nu mabalbalin ket agbalin a nalag-an ti agbali nga training da tapno saan nga ma-injury dagiti players ti Gilas.
Inton Valentine’s Day ket makipaset ti Gilas Pilipinas iti 2nd International Friendly Basketball Championship idiay Doha, Qatar.
Ditoy ket makasango da dagiti bunggoy ti Qatar, Egypt, ken Lebanon.
Sumagmamano kadagiti an-annadan ni Cone a saan a mabannog nga usto ket isuda naturalized player Justin Brownlee ken AJ Edu a nabiit pay nga naimbagan manipud iti injury.
Ibilbilang ni Cone ti nasao nga friendly game idiay Qatar kas paset ti panagsagana da para iti FIBA Asia Cup Qualifiers nu sadiay ket umuna a makasango da iti Taiwan inton Pebrero 20 ken sarunuen ti New Zealand inton Pebrero 23.
Addaan met ti nalinis a kartada nga uppat a panangabak ken awanan pay ti abak ti Gilas Pilipinas iti FIBA Asia Cup Qualifiers.
