Nakatudingen nga agbalin kas maika-11 a member state ken naan-anay a miembro ti Association of Southeast Asian Nation (ASEAN) ti pagilian a Timor-Leste inton sumaruno a regional meeting sadiay Kuala Lumpur, Malaysia ita a tawen.
Inyanunsiyo daitoy ni Malaysian Prime Minister Anwar Ibrahim nga agserserbi kas chairman ti ASEAN. Kinunana nga agbalinen a miembro ti regional organization ti Timor-Leste inton ASEAN meeting a maangay inton Oktubre.
Nupay kasta, inlawlawag ni Anwar a subject latta ti pagilian ti panagtungpal kadagiti dua pay a kondisyon babaen ti economic pillar ngem nagun-oden ti ASEAN iti real consensus para ti Timor-Leste kalpasan ti adu a serye ti negosasyon.
Maipalagip nga immunan a binigbig ti United Nation ti Timor-Leste idi tawen 2002 ken pormal a nagaplikar ti pagilian mara iti panagbalin na a miembro ti ASEAN idi tawen 2011.
Iti agdama ket addaan ti sangapulo a member states ti ASEAN pakairamanan ti Singapore, Malaysia, Indonesia, Brunei, Thailand, Vietnam, Cambodia, Laos, Myanmar, ken ti Pilipinas (Philippines).
