Ummikatten ti Tingog Party-list ti Memorandum of Agreement (MOA) iti Development Bank of the Philippines (DBP) ken ti Philippine Health Insurance Corporation (PhilHealth) a mainaig iti proyekto a “Maalagang Republika: Rural Financing Health Development Program”.
Impaganetget ni Tingog Party-list Representative Jude Acidre a napateg ti proyekto a mangpunno iti kinakurang dagiti ospital kadagiti nasulinek a lugar ken ti kinakurang dagiti agdama nga ospital a mangpennek iti kasapulan ti umad-adu a populasion ditoy pagilian.
Immuna nga inlawlawag ni Acidre a babaen iti MOA, ti Tingog Party-list ket makatulong kadagiti lokal a gobierno a mangbayad iti utang iti DBP ken siguraduen a mabigbig ti PhilHealth kadagiti maibangon nga ospital.
Ngem segun metlang kenni Acidre, makapaliday ta adda mangbabalaw iti pannakipaset ti Tingog Party-List iti kastoy a katulagan wenno adbokasia.
