LA UNION – Saan a naka-teppel ni Sen. Jinggoy Estrada ket na-ungtanna ti Chinese national a ni Tony Yang kabayatan ti panagdengngeg idiay Senado.
Daytoy ket idi salodsoden na ni Yang nu siasino iti pulis a naglako kenkuana ti paltog.
Saan a nasungbatan daytoy ti gangannaet, agsipudta maipagarop a saan a makaawat ti sarita a Filipino ken English.
Ngem segun iti senador, ammo na nga ammo ni Yang ti agsao ti Tagalog ken uray pay Cebuano, nangruna ket 25 a tawen nga agnanaeden ditoy Pilipinas.
Mamati ni Estrada nga agpam-pammarang laeng ni Yang tapno saanna a maibulgar dagiti illegal activities na ditoy pagilian.
Ni Yang ket adda translator na iti panagdatag na iti senate hearing, babaen kenni Caroline Batay.
